Thursday, March 15, 2018

ఆన్ లైన్ రేడియో ప్రసారాలు – రికార్డింగ్

బాలయ్య: చిన్నక్కా, చిన్నక్కా 

ఏకాంబరం: ఏం బాలయ్య చాలా హుషారుగా వచ్చావు, చిన్నక్క కాసేపట్లో వస్తానందిలే 

బాలయ్య: ఇప్పుడు ఆకాశవాణి వారి ప్రసారాలు రేడియోలోనే కాకుండా, కంప్యూటర్ లో కూడా వినొచ్చని విన్నాను

ఏకాంబరం: ఆ మాటకొస్తే మొబైల్లో కూడా వినొచ్చు తెలుసా 

బాలయ్య: ఎలా వినాలి, మన హైదరాబాద్ కేంద్రం వారి ప్రసారాలు వినొచ్చా 

ఏకాంబరం: ఓ భేషుగ్గా, ఆలిండియా రేడియో వెబ్సైట్లో తెలుగుతో పాటు, ఇతర భాషా ప్రసారాలు కూడా వినవచ్చు. ఇది వారి వెబ్సైట్. 


బాలయ్య: ఆ “లిసన్ లైవ్” అని రేడియో స్పీకర్ కనిపిస్తోంది. 

ఏకాంబరం: ఆ పక్కన కనబడే లింకులమీద నొక్కితే ఆ భాషలో వినవచ్చు. 

బాలయ్య: చాలా మంచి విషయం చెప్పావు ఏకాంబరం. 

ఏకాంబరం: అప్పుడే ఏమైంది, ఆ పైన “రాగం” అన్న ఛానెల్ వున్నది చూశావు, దాంట్లో 24 గంటలు సంగీతమే సంగీతం ఏకధాటిగా. 

బాలయ్య: అంటే కర్ణాటక సంగీతమా

ఏకాంబరం: ఒక్క కర్ణాటకమేమిటి దానితోపాటు హిందూస్థానీ, భక్తి గీతాలు, అటు ఓకల్ ఇటు ఇన్స్ట్రుమెంటల్ కూడానూ. 

బాలయ్య: అంటే ప్రముఖ విద్వాంసుల కచేరీలన్నీ వినవచ్చా

ఏకాంబరం: సంతోషంగా వినవచ్చు. ప్రతి గంట గంటకు కొత్త ప్రోగ్రామ్ మొదలవుతుంది. 

బాలయ్య: మరి మనకు ఏ ప్రోగ్రామ్ ఎప్పుడు వస్తుందో ఎలా తెలుస్తుంది. 

ఏకాంబరం: అక్కడే వచ్చింది తంటా అంతా. 

బాలయ్య: అంటే ఎప్పుడు ఏ ప్రోగ్రామ్ వస్తుందాని, గోతికాడనక్కలాగా కూచోవాలంటావా, మన చిన్నక్కకు ఏమన్నా తెలుసంటావా 

చిన్నక్క: ఏం ఏకాంబరం, ఏదో అక్క-నక్క అంటున్నాడు బాలయ్య. 

ఏకాంబరం: రా రా చిన్నక్కా, రాగం ఛానెల్లో ఏ ప్రసారం ఎప్పుడు వస్తుంది ఎలా తెలుసుకోవటం అని బాలయ్య అడుగుతుంటే సమయానికి నువ్వు వచ్చావు. 

చిన్నక్క: రాగం ఛానెల్ ప్రోగ్రామ్ షెడ్యూల్ బెంగుళూరు ఆకాశవాణి వెబ్సైట్లో లభిస్తోంది. ఇక్కడ ఏరోజుకారోజు రాత్రి 12 తరువాత ప్రోగ్రామ్ షెడ్యూల్ పెడతారు. 






ఏకాంబరం: అంటే దానివల్ల మనం ముందే మనం వినదలచుకున్న ప్రోగ్రామ్ కోసం ప్లాన్ చేసుకోవచ్చు అన్నమాట. 

బాలయ్య: అంటే చిన్నక్కా వాళ్ళు వేయబోయే కీర్తనలు కూడా ముందే తెలుస్తాయా 

చిన్నక్క: అవును బాలయ్యా, కరెక్టుగా అడిగావు 





ఏకాంబరం: ఇంకేం సెల్ఫోన్లో అలారం పెట్టుకొని, మర్చిపోకుండా మరీ వినొచ్చు. 

చిన్నక్క: ఈ మధ్య మన రజని గారి సంగీత రూపకం “సంగీత గంగోత్రి” కూడా రాగం ఛానెల్ లో ప్రసారం అయింది తెలుసా. రాష్ట్రంలో ఉన్న, దేశంలో ఉన్న అన్ని కేంద్రాలు, వంతుల వారీగా వారి వారి కార్యక్రమాలు ప్రసారం చేస్తాయి. 


బాలయ్య: పునః ప్రసారం కూడా అవుతాయా ఏకాంబరం. 

ఏకాంబరం: నిక్షేపంగా. అది సరే కానీ చిన్నక్కా ఈ మధ్య అనేక ప్రైవేట్ రేడియోలు కూడా వచ్చాయి కదా, మరి అవి ఎలా వినాలి. 

బాలయ్య: ఏముంది వారి యాప్ డౌన్లోడ్ చేసుకొని వినటమే 

ఏకాంబరం: ఎన్ని యాపులని డౌన్లోడ్ చేస్తాం 

చిన్నక్క: అవేమీ అవసరం లేదు. ఇదిగో ఈ వెబ్సైట్ చూశారా, ఇక్కడ ఎన్ని రేడియోలు కనబడుతున్నాయో. మీకు కావలసిన రేడియో మీద క్లిక్ చేస్తే చాలు ప్లేయర్, వెనువెంటనే పాట వస్తాయి. 




బాలయ్య: ఇక్కడ మన ఆకాశవాణి కూడా వుంది. 

ఏకాంబరం: అంటే చిన్నక్క యాప్ అవసరం లేకుండా బ్రౌసర్ లో ఓపెన్ చేసి వినవచ్చన్నమాట. 

చిన్నక్క: అంతే కదా ఏకాంబరం 

బాలయ్య: ఏకాంబరం నువ్వు గమనించావో లేదో ఇక్కడ కూడా చాలా భాషల్లో వినవచ్చు. 

చిన్నక్క: అంతాబానే వుంది కానీ బాలయ్యా, మరి మనకు నచ్చిన ప్రోగ్రాం రికార్డు చేసుకోవటానికి అవకాశం వుందా. 

ఏకాంబరం: ఆ విషయం నన్నడగండి చెబుతాను. “Audacity” అన్న ఫ్రీ software దొరుకుతుంది. దాన్ని డౌన్లోడ్ చేసుకొని install చేసుకోవాలి 


చిన్నక్క: ఎలా రికార్డు చెయ్యాలి 

ఏకాంబరం: ఈ “రెడ్ కలర్” బటన్ నొక్కితే చాలు, ఆపాలంటే “ఎల్లో కలర్” బటన్ నొక్కాలి. కంప్యూటర్ లోంచి రికార్డు చేస్తుంటే “స్టీరియో మిక్స్” మోడ్ సెలక్ట్ చెయ్యాలి, అక్కరలేదనుకున్న రికార్డు మొదట్లోగాని, చివర్లోగాని అదిగో ఆ పైన కనిపిస్తున్న కత్తెరతో కట్ చేస్తే సరి. 


చిన్నక్క: అవును అదేదో m p 3 అంటారు 

ఏకాంబరం: ఉండు నీకు ఒకటే తొందర, ఇక్కడ చూశావా దీన్ని ఇలా “8000” లో రికార్డు చేసేటప్పుడు పెట్టుకుంటే చిన్న ఫైల్ గా రికార్డు చేసుకోవచ్చు. 


చిన్నక్క: నేనడిగింది మటుకు చెప్పలా 

ఏకాంబరం: ఇదిగో ఇలా ఫైల్లోకి వెళ్ళి “ఎక్స్ పోర్ట్” నొక్కి, ఫైలుకు పేరు పెట్టుకొని, ఎక్కడ సేవ్ చెయ్యాలో ఆజ్ఞ ఇస్తే, అక్కడ m p3 ఫార్మాట్ లో సేవ్ అవుతుంది. చిన్నపాటి రికార్డింగ్ పరిజ్ఞానం వుంటే, ముందుగా నచ్చిన ప్రోగ్రామ్ మొత్తం రికార్డు చేసుకొని, సేవ్ చేసుకొని, తర్వాత దాన్ని పాట/ కీర్తన వారీగా mp3 లోకి మార్చుకోవచ్చు.  


 

బాలయ్య: చాలా మంచి విషయం చెప్పావు ఏకాంబరం. ఇక  మంచి మంచి ప్రోగ్రామ్స్ రికార్డు చేసుకొని ఎంచక్కా వినొచ్చు. 

చిన్నక్క: అంతే కాదు బాలయ్యా, మన సేకరణను నలుగురితో చక్కగా పంచుకోవచ్చు కూడానూ. 

ఏకాంబరం: ఇక వుందాము, ఇప్పటికే చాలా సమయాభావం అయింది. 

చిన్నక్క: మరి అందరికీ ఉగాది శుభాకాంక్షలు. 

Tags: All India Radio, Akashavani, Ragam, Online Radio, Radio Recording, AIR Hyderabad, Ragam Schedule

Friday, March 9, 2018

అన్నమాచార్య కీర్తన – శ్రీ మోదుమూడి సుధాకర్ గారు

శ్రీ మోదుమూడి సుధాకర్ గారు అధ్భుతంగా ఆలపించిన అన్నమాచార్య కీర్తన “మొల్లలేలె నాకు తన్నె ముడుచు కొమ్మనవె” వినండి. 









ముందుగా రజని గారి సంగీత రూపకం “సంగీత గంగోత్రి” చివర్లో వినవచ్చిన అన్నమాచార్యులవారి కీర్తన విందాము.

..













ఇప్పుడు మోదుమూడి సుధాకర్ గారి గళంలో విందాము.

..











Tags: Annamacharya Keerthana, Modumudi Sudhakar, Mollalele naku,


రజని గారి సంగీత రూపకం - సంగీత గంగోత్రి

శ్రీ బాలాంత్రపు రజనీకాంతరావు గారి సంగీత రూపకం “సంగీత గంగోత్రి”. పాల్గొన్న గాయనీ గాయకులు తిరుపతి త్యాగరాజు, మోదుమూడి సుధాకర్, కరైకుడి ఎస్. కన్నన్, డి. వి. మోహన కృష్ణ, మల్లాది శ్రీరామ్ ప్రసాద్, వి. వి. సత్య ప్రసాద్, ద్వారం ఎన్ విజయలక్ష్మి,ఆర్. ఛాయాదేవి, ఎన్. సి. శ్రీదేవి, శిష్ట్లా శారద, బి. సుశీల, బి. సుబ్బలక్ష్మి, వి. భవాని గార్లు. మిమిక్రీ తోట సిల్వేస్టర్. రచన, నిర్వహణ శ్రీ రజని గారు. పాలుపంచుకున్న కళాకారులందరి పేర్లు మొదట మరియు చివర వినిపిస్తాయి. ఆకాశవాణి వారి ప్రసారాల నుండి.






..

Tags: Sangeetha Gangothri, Sangita gangotri, Balanthrapu Rajanikantharao, Rajani, Sangeeta roopakam, Aakashavani, AIR, Modumudi Sudhakar, D. V. Mohana Krishna, Malladi Sriram Prasad, R. Chayadevi, Dwaram N Vijayalakshmi, N. C. Sridevi, Sishtla Sarada, B. Suseela, B. Subbalakshmi, V. Bhavani, V. V. Sathya Prasad, Tirupathi Tyagaraju, Karaikudi S Kannan, Mimikri by Thota Sylvester

Thursday, March 8, 2018

నిట్టల ప్రకాశదాసు, ఎడ్ల రామదాసు – చెళ్ళపిళ్ల వారి వ్యాసం

నిట్టల ప్రకాశదాసు, ఎడ్ల రామదాసు గార్ల జీవితాలకు సంబంధించిన కొన్ని విషయాలు బ్రహ్మశ్రీ చెళ్ళపిళ్ల వెంకట శాస్త్రి గారు ఆంధ్రపత్రిక వారపత్రికలో (29.12.1948) వచ్చిన ఒక వ్యాసంలో పేర్కొన్నారు. ఆ వ్యాసం ఇక్కడ పోస్ట్ చెయ్యటం జరిగింది. శ్రీ బాలాంత్రపు రజనీకాంతరావు గారు వారి రచన “ఆంధ్ర వాగ్గేయకార చరిత్రము” లో వీరి ఇద్దరినీ గురించి పేర్కొన్న విషయాలు కూడా చూడవచ్చు. రజనీ గారు కూడా చెళ్ళపిళ్ళవారి వ్యాసాన్ని ఉదహరించారు. 1914 నాటి ఆంధ్రపత్రిక (వార్షిక సంచిక) లో ప్రచురించిన ఎడ్ల రామదాసు గారి అరుదైన చిత్రం ఇక్కడ పోస్ట్ చెయ్యటం జరిగింది. చెళ్ళపిళ్ల వారు, ఎడ్ల రామదాసు గారిని “ఆజానుబాహువు, మంచి తేజశ్శాలి” అని పేర్కొన్నారు. చిత్రంలో వారి రూపంగూడా అలాగే ఉన్నది. 















చివరగా నిట్టల ప్రకాశదాసు గారి కీర్తన ఒకటి విందాము.



Tags: Nittala Prakasadasu, Edla Ramadasu, Yedla Ramadasa, Chellapilla Venkata Sastry.